ހއ އިހަވަންދޫ ހަނދުވަރީމަންޒިލް، އާދަމް ސިފާހް (ބޮންއަޅާ) ކުރިޔަށްއޮތް ލޯކަލް ކައުންސިލް އިންތިހާބުގައި އިހަވަންދޫ ކައުންސިލް މެމްބަރުކަމަށް ކުރިމަތިލާނެކަން އިއުލާންކޮށްފިއެވެ. ސިފާހް ކުރިމަތިލަނީ އަމިއްލަ ގޮތުންނެވެ.
ރޯޑް ޑިވެލޮޕްމެންޓް ކޯޕޮރޭޝަން (އާރުޑީސީ) ގައި ވަޒީފާ އަދާކުރަމުންދާ، ސިފާހް މިއީ އިންތިހާބީ މަޤާމަކަށް ކުރިމަތިލާ ފުރަތަމަ ފަހަރެވެ. އިހަވަންދޫ ކައުންސިލްގެ 5 ގޮނޑިއަށް، 16 އަށްވުރެ ގިނަ ކެނޑިޑޭޓުން ކުރިމަތިލާނެކަން މިހާރުވަނީ އިއުލާން ކޮށްފައެވެ. އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށްވެސް މަދުވެގެން 15 ވަރަކަށް ކެނޑިޑޭޓުން ކުރިމަތިލާނެކަމަށް ބެލެވޭއިރު، މިއީ އިހަވަންދޫގައި ބޭއްވޭ އިންތިހާބެއްގައި އެންމެ ގިނަ ބަޔަކު ވާދަކުރާ ފަހަރަށް ވެގެންދާނެއެވެ.
ލޯކަލް ކައުންސިލް އިންތިހާބު ބޭއްވުމަށް ހަމަޖެހިފައިވަނީ މިއަހަރުގެ އޭޕްރީލް މަހު 4 ވަނަ ދުވަހުއެވެ.
