2020 ވަނަ އަހަރުން ފެށިގެން ކާމިޔާބުކަމާއިއެކު އިހަވަންދޫގައި ހިންގަމުން އަންނަ އެންމެ ދުވަސްވީ އިނގިރޭސިބަސް ކިޔަވައިދޭ ކުލާސް ރޯޔަލް ލެންގުއޭޖް އެކަޑަމީއަށް އައު ދިރާސީ އަހަރާއިއެކު ގުޅެން ބޭނުންވާ ފަރާތްތަކަށް އެފުރުޞަތު ހުޅުވާލައިފިއެވެ. ޕްރީސްކޫލު ލެވެލްއިން ފެށިގެން ގްރޭޑް 7 އާއި ހަމައަށް ކުރިޔަށްގެންދާ މިކުލާހުގައި މިއަހަރު ވަނީ އައު ބަދަލު ތަކެއް ގެންނަން ނިންމާފައެވެ. އެގޮތުން ޕްރީސްކޫލް ދަރިވަރުންގެ ކުލާސްތައް ލިޓްލް ސްޓާރސްގެ ނަމަށް ބަދަލުކޮށް އެކުލާސްތައް ކުރިޔަށް ގެންދާގޮތަށްވެސް ބަދަލުތަކެއް އަންނާނެއެވެ. މީގެއިތުރުން އެޕްރީލް 2026 އިން ފެށިގެން ކުލާހުގެ ފީއަށްވެސް ވަނީ ހެޔޮ ބަދަލު ތަކެއް ގެނެސްފައެވެ. ފީއަށް ގެނެސްފައިވާ ބަދަލުތައް ތިރީގައި އެވަނީއެވެ.
މީގެ އިތުރުން ޓާމް އަދި މިޑްޓާމް ބްރޭކް ފަދަ ސްކޫލް ބަންދު ދުވަސްތައް ހިމެނޭ މަސްތަކުގައި އެދުވަސްތަކަށް މަހުފީން އުނިކުރެވިގެންދާނެއެވެ.
މިކުލާހުގައި ކިޔަވައިދެއްވަނީ އިނގިރޭސިބަހުގެ ދާއިރާއިން މަތީ ތަޢްލީމް ޙާސިލްކޮށްފައިވާ ދިވެހި ޓީޗަރުންނެވެ. ދަރިވަރުންގެ ޢުމުރާއި ގުރޭޑަށް ބެލުމަށްފަހު ތަފާތު އެކި ލެވެލް ތަކަށް ބަހައިލެވިގެން ހިންގާ މިކުލާސް އަމާޒް ކުރެވިފައި ވަނީ ދަރިވަރުންގެ ކިބާގައި އިނގިރޭސިބަހުން ވާހަކަދެއްކުމާއި، ކިޔުމާއި، ލިޔުމާއި އަދި އަޑުއެހުމުގެ ހުނަރުތައް ތަރައްޤީ ކުރުމަށެވެ.
ކޮންމެ ކުލާހެއްގައިވެސް ދަރިވަރުންގެ ޢަދަދު ވަކި މިންވަރެއްގައި ހިފެހެއްޓުމުގެ އިތުރުން ދަރިވަރުންގެ ފެންވަރުބެލުމަށް އެސެސްމެންޓްތައް ހެދުމާއި ޕީޓީއެސް މީޓީންގ ތައް ބޭއްވި ބެލެނިވެރިންނަށް ފީޑްބެކު ދިނުންވެސް ކުލާހުގެ ފަރާތުން ކުރިޔަށް ގެންދާކަން ފާހަގަ ކޮށްލެވެއެވެ. މިކުލާހަށް އަލަށް ވަންނަން ބޭނުންފުޅުވާ ފަރާތްތަކުން 9763262 ނަމްބަރަށް ދަރިވަރުގެ ނަން، އެޑްރެސް އަދި ގުރޭޑް ވައިބަރ އިން މެސްޖް ކުރައްވައިގެން ކުލާހަށް ވަނުމަށް ނަން ނޯޓް ކުރެވޭނެއެވެ.
އަލަށް ފުރުޞަތު ދިނުމަށް ހަމަޖެހިފައިވަނީ މަދު ޖާގަ ތަކަކަށްކަމުން ޖާގަ ދިނުމަށް ހަމަޖެހިފައިވަނީ ނަންނޯޓުކުރާ ތަރުތީބުން ކަމަށްވެސް އެކުލާހުން ހާމަކުރެއެވެ. ނަން ނޯޓް ކުރުމުގެ ސުންގަޑި އަކީ 10 އޭޕްރީލް 2026 އެވެ.
