އައްޝައިޚް އަބުދުއްސަލާމް ދާއޫދުގެ ދަރުސް ޕްރޮގްރާމެއް މިއަދު އިހަވަންދޫގައި ކުރިޔަށް ދާނެއެވެ. މި ޕްރޮގްރާމްގެ ދަށުން މިސްކިތު ދަރުހަކާއި ހާއްސަ ބޮޑު ދަރުހެއް ދޭނެއެވެ.
މަސްޖިދުއް ތައުބާގައި އިމާމުވެ މިއަދު ހުކުރު ނަމާދު ކުރެއްވުމަށް ހަމަޖެހިފައިވަނީ އައްޝައިޚް އަބުދުއްސަލާމް ދާއޫދުއެވެ. އެއަށްފަހު ޝައިހްގެ ފުރަތަމަ ދަރުސް އޮންނާނީ މިއަދު އަސުރު ނަމާދަށްފަހު މަސްޖިދުލް ތައާވުންގައެވެ. “އެބަގާތްވޭ” ގެ ނަމުގައި ކުރިޔަށް ގެންދާ އެދަރުސްއަށްފަހު، މިރޭ 20:30 ހުގައި އިހަވަންދޫ ބަނދަރު ސަރަހައްދުގައި ޝެއިހްގެ ހާއްސަ ދަރުސްއެއް އޮންނާނެއެވެ. މިރޭ ޝެއިހް ދެއްވާ ދަރުސް ހާއްސަކޮށްފައިވާ މައުލޫއަކީ “ހުސްއަތާ ނުދާށެވެ!” އެވެ.
މިޕްރޮގްރާމަކީ ޖަމިއްޔަތުލް ސަލަފާއި އިހަވަންދޫ ކައުންސިލާއި ގުޅިގެން ކުރިޔަށްގެންދާ ދަރުސް ޕްރޮގްރާމެކެވެ. އިހަވަންދޫ ކައުންސިލް މެމްބަރު މުހައްމަދު ޒާހިރު ހަސަން މައުލޫމާތު ދެއްވި ގޮތުގައި، މިރޭގެ ދަރުހަށް ވަޑައިގަންނަވާ ފަރާތްތަކުގެ ތެރެއިން 20 ފަރާތަކަށް ބިއުޓިފުލް ބުލޫއިން ހާއްސަ އިނާމެއް ދެއްވާގޮތަށްވަނީ ހަމަޖެހިފައެވެ.
