ޠާލިބާނުގެ އިސް ކޮމާންޑަރެއް، މަލާލާއަށް އެޑުރެސްކޮށް ހުޅުވާލެވިފައިވާ ސިޓީ އެއް ފޮނުވައިފިއެވެ. ޠާލިބާނުގެ ކޮމާންޑަރެއްކަމަށްވާ ޕާކިސްތާނުގެ އަދުނާން ރަޝީދުގެ ސިޓީގައި މަލާލާއަށް ދެވުނު ހަމަލާ ދީފައި ވަނީ ކުރިއަށްލާ އެއްވެސް އިންޒާރެއް ދިނުމަކާ ނުލާ ކަމަށް ބުނެފާ ވެއެވެ. ނަމަވެސް އެކަމަށް މަޢާފަށް އެދިފައި ނުވާކަން ފާހަގަ ކުރެވެއެވެ.
ޠާލިބާނުން މަލާލާއަށް ބަޑީގެ ހަމަލާދިނީ އޭނާއަކީ އަންހެން ކުދިންނަށް ތަޢުލީމު ހޯދާދިނުމަށް ކެމްޕެއިން ކުރާ ކުއްޖަކަށް ވާތީ ނޫންކަމަށް އެސިޓީގައި ވެއެވެ. އެސިޓީގައި ވާގޮތުން ޠާލިބާނުން މަލާލާއަށް ހަމަލާ ދީފައިވަނީ ހަނގުރާމަވެރި ޖަމާޢަތްތައް ކުއްވެރިކޮށް އެގުރޫޕުތަކަށް ފާޑުކިޔާފައި ވާތީއެވެ.
