ގޯލްޑެން ފުޓްސަލް ޗެލެންޖު 2025 ގައި، އިހަވަންދޫ ފުޓްސެލް ޓީމް ކުޅުނު ފުރަތަމަ މެޗުން މުރައިދޫ އަތުން ބަލިވެއްޖެއެވެ. މިމަހުގެ 9 ވަނަ ދުވަހުގެ ރޭ 22:00 ކުޅުނު މިމެޗުން އިހަވަންދޫ ބަލިވީ 5-3 އިންނެވެ.
މިމެޗްގައި އިހަވަންދޫ ޓީމްގެ ހާމިދު ދެ ގޯލް ޖެހިއިރު، ނައުޝާދު ގޯލެއް ޖެހިއެވެ. މެޗްގެ މޮޅު ކުޅުންތެރިޔާއަށް ހޮވުނު މުރައިދޫ ޓީމްގެ ހިޝާން ދެ ގޯލެ ޖެހިއިރު، އެޓީމްގެ އައިރޫން، ނައުފަލް އަދި އިޔާން ގޯލެއް ޖެހިއެވެ.
މިމުބާރާތުގައި އިހަވަންދޫ ދެން ކުޅޭނީ އުތީމާއި ދެކޮޅަށެވެ. އެމެޗް ކުޅޭނީ މިމަހުގެ 13 ވާ ހޯމަ ދުވަގުގެ ރޭ 23:00 ގައެވެ. އެއަށްފަހު މިމަހުގެ 17 ވަނަ ދުވަހުގެ ރޭ 9:00 ގައި ދިއްދޫއާ ދެކޮޅާށް ނުކުންނައިރު، ގްރޫޕް ސްޓޭޖްގެ ފަހު މެޗްގައި އިހަވަންދޫ ޓީމް މިމަހުގެ 21 ވާ އަންގާރަ ދުވަހުގެ ހަވީރު 17:00 ގައި ކުޅޭނީ ވަށަފަރާއި ދެކޮޅަށެވެ.
ހއ އަތޮޅު ބުރުގެ މެޗްތައް ކުރިޔަށް ގެންދަނީ ދެ ގްރޫޕަކަށް ބަހާލައިގެންނެވެ. އިހަވަންދޫ ހިމެނެނީ ގްރޫޕް ބީ ގައެވެ. ގްރޫޕް ބީގައި ހިމެނެނީ އިހަވަންދޫގެ އިތުރުން، މުރައިދޫ، ދިއްދޫ، ވަށަފަރު އަދި އުތީމެވެ. ގްރޫޕް އޭ ގައި ހިމެނެނީ ހޯރަފުށި، ބާރަށް، ކެލާ، މާރަންދޫ އަދި ފިއްލަދޫއެވެ. ކޮންމެ ގްރޫޕަކުންވެސް އެއްވަނަ އަދި ދެވަނަ ހޯދާ ދެ ޓީމް ކުޅޭނީސެމީ ފައިނަލަށް ދަތުރުކުރާނެއެވެ.
މިދިޔަ އަހަރުގެ މުބާރާތުން އިހަވަންދޫ އަލްވަދާއު ކިޔަންޖެހުނީ ހއ އަތޮޅު ބުރުގެ ކުއާޓަރ ފައިނަލްގައި އުތީމް އަތުން ބަލިވުމުންނެވެ.
