އިހަވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީ އާއި ކްލަބް ޕޯލްސްޓަރ ގުޅިގެން އެމް.އެން.ޑީ.އެފްގެ އެހީތެރިކަމާއިއެކު ކުރިޔަށް ގެންދިޔަ މޫދު ކަސްރަތު ޕްރޮގްރާމްގެ ނިންމުމުގެ ރަސްމިއްޔާތު ބާއްވައިފިއެވެ.
ނޮވެމްބަރ 25 އިން ޑިސެމްބަރ 15 އަށް ކުރިޔަށް ގެންދިޔަ މިޕްރޮގްރާމްގެ ނިންމުމުގެ ރަސްމިއްޔާތު ރޭ ބޭއްވީ އިހަވަންދޫ ސްކޫލްގެ އެސެންބުލީ ގްރައުންޑްގައެވެ. ރޭގެ ހަފްލާ ޝަރަފްވެރި ކޮށްދެއްވީ މިނިސްޓަރ އޮފް ޑިފެންސް އަލްއުސްތާޒާ މާރިޔާ އަހްމަދު ދީދީއެވެ. ޖުމްލަ 44 ބައިވެރިޔަކާއިއެކު ކުރިޔަށްދިޔަ މިޕްރޮގްރާމްގެ އެޓެންޑެންސްއިން 23 ބައިވެރިޔަކު 100% ހޯދިއެވެ. 44 ބައިވެރިންވަނީ ޖުމްލަ 125 ކިލޯ ލުއިކޮށްފައެވެ.
މިޕްރޮގްރާމްގެ ވަނަތަކަށް އައި ބައިވެރިން:
މިޕްރޮގްރާމުން 3 ވަނައަށް ދިޔަ ފަރާތަށް 500ރ އަދި ދެވަނައަށް 1000ރ އަދި އެއްވަނަ އަށް ދިޔަފަރާތަށް 1500ރ ގެ ފައިސާގެ އިނާމެއް އިހަވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީއިންވަނީ ދީފައެވެ.
