ބީޗް ހައުސް އިރުވެލި (މަނަފަރު ރިސޯޓު) އާއި އިހަވަންދޫ މަސްވެރިންގެ ގުޅުން (އިމަގު) އާއި ކުލަބު ޕޯލްސްޓަރ އަދި އިހަވަންދޫ މަދަރުސާ ގުޅިގެން މިރޭ (24 ޖުލައި 2013 ވަނަ ދުވަހުގެ ރޭ) އިހަވަންދޫ މަދަރުސާގެ ހޯލުގައި އައްޝައިޚް އިލިޔާސް ހުސައިންގެ ދީނީ ދަރުހެއް ދިނުމަށް ހަމަޖެހިފައިވާކަމަށް ކުލަބު ޕޯލސްޓަރ އިން މަޢުލޫމާތުދީފި އެވެ.
“ތިޔަބައި މީހުން އެންމެން ﷲ ގެ ދީނުގައި ހިފަހައްޓާށެވެ! އަދި، ވަކިވަކިވެ ނުގަންނނާށެވެ!” މިމަޢުޟޫއަށް އިންސާފު ކުރުމަށް ހަމަޖެހިފައިވާ މިދަރުސް ފެށޭނީ މިރޭ 9:30 ގަ އެވެ.
މިރޭގެ ދަރުސް އަށްފަހު ދީނީ ގޮތުން އުފެދޭ ސުވާލުތަކުގެ ޖަވާބު ހޯދުމުގެ ފުރުޞަތު ލިބިގެންދާނެ އެވެ. އެހެންކަމުން މިފުރުޞަތުގެ ބޭނުން ހިފުމަށްޓަކައި ވީހާވެސް ގިނަ ރައްޔިތުން މިދަރުސްގައި ބައިވެރިވުމަކީ މިދަރުސް އިންތިޒާމުކުރާ ފަރާތްތަކުގެ ވަރަށްބޮޑު އެދުމެކެވެ.
