ހއ.ހޯރަފުށީ ހަހެތި ޖަމިއްޔާއިން އިންތިޒާމް ކޮށްގެން ބާއްވާ “ބޮޑޫ ހަހެތި ޔޫތު ފުޓްސަލް ޗެލެންޖް 2024” ގައި އެންވީކޭ އިން ބައިވެރިވެއްޖެއެވެ. މިއީ މިމުބާރާތުގައި އެންވީ ވާދަކުރާ ދެވަނަ ފަހަރެވެ.
މިދިޔަ އަހަރުގެ މުބާރާތުގެ ފައިނަލްގައި އެންވީކޭ ކުޅުނުއިރު، ފައިނަލް މެޗްގެ ފުރިހަމަ ވަގުތު ހަމަވިއިރު 2-2 އިން އެއްވަރުވުމުން ޖެހި ޕެނަލްޓީން ކުރި ހޯދައިގެން، މުބާރާތުގެ ޗެމްޕިއަންކަން ހޯދީ 22 ސްޕޯޓްސް ކްލަބްއެވެ. މިނޫހަށް މައުލޫމާތު ދެއްމުން އެންވީކޭއިން ބުނީ މިމުބާރާތުގައި އެޓީމް ވާދަކުރަނީ، ޒުވާން ކުޅުންތެރިންނަށް ފުރުސަތު ހޯދައި ދިނުމުގެ މަގުސަދުގައި ކަމަށެވެ. އަތި ރަށަށް ތަށި ހޯދައިދިނުމަކީވެސް އެޓީމްގެ އަމާޒެކެވެ.
21 އަހަރުން ދަށުގެ ކުޅުންތެރިންނަށް ހާއްސަ ކޮށް ބާއްވާ މިމުބާރާތް ބާއްވާ މިއީ 5 ވަނަ ފަހަރެވެ. މި މުބާރާތުން ފުރުސަތު ދިނުމަށް ހަމަޖެހިފައި ވަނީ ޖުމްލަ ހަ ޓީމަށެވެ. އެއީ ހޯރަފުށިން ހަތަރު ޓީމަށާއި ހއ އަތޮޅު ތެރެއިން ތިން ޓީމަކަށެވެ.
މި މުބާރާތް ފެށުމަށް ހަމަޖެހިފައިވަނީ މިމަހުގެ 27 ވަނަ ދުވަހުއެވެ. މި މުބާރާތުގެ ޗެމްޕިއަން ޓީމަށް 10000 (ދިހަހާސް) ރުފިޔާގެ ފައިސާގެ އިނާމެއް ވަނީ ކަނޑައަޅާފައެވެ.
މިދިޔަ އަހަރުގެ މުބާރާތުގެ ދެ ވަނަ އެންވީކޭ ހޯދިއިރު، އެންމެ މޮޅު ފަސް ކުޅުންތެރިންގެ ތެރޭގައި އެންވީކޭގެ ދެ ކުޅުންތެރިޔަކު ހިމެނުނެވެ. އެއީ އެންވީކޭގެ ހަސަން ގައިޝް މުހައްމަދު އަދި އަލީ ނާއިޝް އަހްމަދު ވަހީދުއެވެ.
