އިހަވަންދޫ ސްކޫލުގެ ދަރިވަރުންނަށް އަމާޒުކޮށްގެން މި ރަމަޟާންމަހު އެސްކޫލުން ބާއްވާ ރަމަޟާންމަސް އިހުޔާކުރުމުގެ ޤުރްއާން މުބާރާތުގައި ބައިވެރިވުމުގެ ފުރުޞަތު ހުޅުވާލައިފިއެވެ.
މުބާރާތުގައި ބައިވެރިވުމަށްއެދޭ ފޯމު ދޫކުރުމާއި ބަލައިގަތުން ރަސްމީ ދުވަސްތަކުގައި ހެނދުނު 10:00 އިން 14:00 އަށް ސްކޫލު އޮފީހުގައި ކުރިޔަށްދާއިރު މުބާރާތުގައި ބައިވެރިވެވޭ އެންމެ ފަހު ތާރީޚަކީ ޖޫން މަހުގެ 5 ވާ ހޯމަ ދުވަހެވެ.
އިހަވަންދޫ ސްކޫލުން މި އަހަރު ތަޢާރަފުކުރި މި މުބާރާތަކީ ބަރަކާތްތެރި ރަމަޟާންމަހުގެ ދުވަސްތަކުގައި ޤުރުއާން ކިޔެވުމަށް ދަރިވަރުންނަށް ބާރުއަޅައި އެކަމަށް މަގުފަހިކުރުމަށް ޓަކައި ކުރިއަށްގެންދާ މުބާރާތެކެވެ.
ޖޫން 9-10 ގައި ބޭއްވުމަށް ހަމަޖެހިފައިވާ މި މުބާރާތުގެ ވަނަތަކަށް ހޮވޭ ދަރިވަރުންނަށް އިނާމު ހުށަހެށަޅުމުގެ ފުރުޞަތު އާއްމުކޮށްވަނީ ހުޅުވާލައިފައެވެ. ފޮތުން ކިޔެވުމާއި ހިތުން ކިޔެވުން ހިމެނޭ މި މުބާރާތުގެ ކޮންމެ އުމުރުފުރާއަކުން 1 ވަނަ، 2 ވަނަ އަދި 3 ވަނަ ދަރިވަރު އަދި މުޅި މުބާރާތުން 1 ވަނަ، 2 ވަނަ އަދި 3 ވަނަ ދަރިވަރު ހޮވާގޮތަށްވަނީ ހަމަޖެހިފައެވެ.
