އިމަގު ޖަންބުމާ ކަޕް އަދި ޣާޒީ ކަޕްގެ 19 އަހަރުންދަށުގެ މުބާރާތް ފެށިގެން ކުރިޔަށް

19 އަހަރުން ދަށުގެ ކުޅުންތެރިންނަށް ހާއްސަކޮށް ކުރިޔަށްގެންދާ އިމަގު ޖަންބުމާ ކަޕް އަދި އިމަގު ޣާޒީ ކަޕްގެ 19 އަހަރުން ދަށުގެ މުބާރާތް ފަށައިގެން ކުރިޔަށް އެބަދެއެވެ. މި ދެ މުބާރާތްވެސް ކުރިޔަށްދާނީ އިއްޔައިން ފެށިގެން އަންނަ އޮކްޓޯބަރ މަހުގެ 4 ވާ ހުކުރު ދުވަހާއި ހަމަޔަށެވެ. އިމަގު ޖަންބުމާ ކަޕްކީ 19 އަހަރުން ދަށުގެ އަންހެން ކުޅުންތެރިންނަށް އަމާޒްކޮށް ކުރިޔަށްގެންދާ ހޭންޑް ބޯޅަ މުބާރާތެކެވެ. ޖަބުމާ ކަޕްގައި 4 ޓީމެއް ބައިވެރިވެފައިވެއެވެ. އެއީ ބޮޑުމަގު، އެންވީކޭ، ސެންސިޓީ އަދި ޖަންގަލްއެވެ. އިމަގު ޣާޒީ ކަޕްގެ 19 އަހަރުން ދަށުގެ މުބާތަކީ ފުޓްސަލް މުބާރާތެކެވެ. ޖުމުލަ 6 ޓީމެއް ވާދަކުރާ އެމުބާރާތުގައި ބައިވެރިވެފައިވަނީ ޔުނައިޓެޑް ޔޫތް، ބޮޑު މަގުމ ސެންސިޓީ، ސަނީ ކުލަބް، ސެންސިޓީ ޖޭއާރު އަދި ޔޫވައި ބޯއީސް އެވެ. އިމަގު ޖަންބުމާ ކަޕްގެ ފައިނަލް މެޗް އޮކްޓޯބަރ 4 ހުކުރު ދުވަހުގެ ހަވީރު 16 ގައި ކުޅޭއިރު، ޣާޒީ ކަޕްގެ ފައިނަލް މެޗް ކުޅޭނީ އެދުވަހުގެ ރޭގަނޑު 20:00 ގައެވެ. މިމުބާރާތް ކުރިޔަށްދަނީ އިހަވަންދޫ ޣާޒީ ދަނޑުގައެވެ.