އިހަވަންދޫ ވިމެންސް ކޮމިޔުނިޓީ (އައި.ޑަބުލިއު.ސީ.ޖީ) ގެ ފަރާތުން ގާރީ ކޯސް ލެވެލް އެކަކުން ހަތަރަކާ ހަމައަށް ކިޔެވުމުގެ ފުރުސަތު މިއަދު ހުޅުވާލައިފިއެވެ.
ގާރީ ކޯސް ލެވެލް 1،2،3 އަދި 4 ހަމައަށް ހިލޭ ކިޔެވުމުގެ ފުރުސަތު ލިބިގެންދާނީ ނަންނޯޓް ކުރާ ފަރާތްތަކުގެ ތެރެއިން ގުރުއަތުން ހޮވޭ 4 ފަރާތަކަށެވެ. 9829919 އަށް ގުޅައި ނުވަތަ އައި.ޑަބުލިއު.ސީ.ޖީގެ ފޭސްބުކް ޕޭޖް ނުވަތަ ވައިބަރ ގުރޫޕް މެދުވެރިކޮށް ނަންނޯޓުކުރެވޭނެވެ. ނަންނޯޓު ކުރުމުގެ ސުންގަޑިއަކީ 2020 ނޮވެބަރ 16 ވަނަ ދުވަހުގެ 00:00 އެވެ. މި ކޯހުގައި ބައިވެރިމުގެ ފުރުސަތު ލިބިގެންދާނީ އިހަވަންދުއަށް ނިސްބަތްވާ ފަރާތްތަކަށެވެ.
ގާރީ ކޯހުގެ ލެވެލް 1 އަދި 2 ގައި ބައިވެރިވެވޭނީ 18 އަހަރުން މަތީގެ ފަރާތްތަކަށެވެ. ގާރީ ކޯހުގެ ލެވެލް 3 ގައި ބައިވެރިވެވޭނީ ގާރީ ކޯހުގެ ލެވެލް 2 ފުރިހަމަ ކޮށްފައިވާ ފަރާތްތަކަށެވެ. ގާރީ ކޯހުގެ ލެވެލް 4 ގައި ބައިވެރިވެވޭނީ ގާރީ ކޯހުގެ ލެވެލް 3 ފުރިހަމަ ކޮށްފައިވާ ފަރާތްތަކަށެވެ.
އައި.ޑަބުލިއު.ސީ.ޖީގެ ފަރާތުން އަބަދުވެސް މަސައްކަތްކުރާނީ މުޖުތަމަޢަށް ފައިދާ ހުރި ފުރުސަތުތައް ހޯދައިދިނުމަށް ޓަކައި ކަމަށް އައި.ޑަބުލިއު.ސީ.ޖީގެ ރައީސާ ފާތިމަތު ޝާއިރާ ވިދާޅުވިއެވެ.
” މިއީ މިފަދަ ފުރުސަތެއް އައި.ޑަބުލިއު.ސީ.ޖީގެ ފަރާތުން ހުޅުވައިލާ 4 ވަނަ ފަހަރު. އަޅުގަނޑުމެންގެ އަމާޒަކީ ރަށުގެ ރައްޔިތުންނަށް މިފަދަ އެތައް ފުރުސަތުތަކެއް ފަހި ކޮށްދިނުން. މުޖުތަމަޢަށް ފައިދާ ހުރި ކޮންމެ ކަމެއްގައި އައި.ޑަބުލިއު.ސީ.ޖީގެ ފަރާތުން މަސައްކަތް ކުރާނަން” އައި.ޑަބުލިއު.ސީ.ޖީގެ ރައީސާ ވިދާޅުވިއެވެ.
މި ކޯސް ކުރިއަށް ގެންދިއުމަށް ހަމަޖެހިފައިވަނީ އޮންލައިންކޮށެވެ.
