ޑެލިވަރީ ކޮށްދޭ ތަންތަނުގެ އަދާހަމަ ލިސްޓު
ފުރަބަންދުގެ މުއްދަތުގައި އިހަވަންދޫ ކައުންސިލް އަދި ފެނަކަ އިހަވަންދޫ ބުރާންޗު ގުޅިގެން ގޭބިސީތަކުގައި އުފެދޭ ކުނި އުކާދިނުމުގެ ޚިދުމަތް އެއްވެސް އަގަކާ ނުލާ ދަނީ ކުރަމުން.
06:19
23 Apr 2020ފުރަބަންދުގައި ރައްޔިތުންނަށް ބޭނުންވާ އަސާސީ ޚިދުމަތްތަކާއި ޒަރޫރީ ބޭނުންތައް ހަމަޖައްސައި ދިނުމަށް އެހީތެރިވުމުގެ ގޮތުން ކޮވިޑް-19 އިހަވަންދޫ ޓާސްކު ފޯސްއިންވަނީ ހެލްޕު ޑެސްކެއް ގާއިމު ކޮށްފައި.
ކޮންމެ ދުވަހެއްގެވެސް ހެނދުނު 9:00 އިން ރޭގަނޑު 9:00 އަށް ޚިދުމަތް ދެމުން އަންނަ މި ޑެސްކުގެ ނަމްބަރއަކީ 6500284
06:15
23 Apr 2020އިހަވަންދޫ ފުރަބަންދުގައި ބާއްވާތާ މިއަދަށް މީ 4 ވަނަ ދުވަސް. ފުރަބަންދުގައި އިތުރު 17 ދުވަހު އިހަވަންދޫ ބޭއްވުމަށް އިހަވަންދޫ ކައުންސިލުންވަނީ ނިންމައިފަ.
06:12
23 Apr 2020މިވަގުތު އިހަވަންދޫގައި މޮނިޓަރިންގައި ހުރި ތަންތަނުގެ ތެރޭގައި 43 ގެއާއި މާލެ ދަތުރުކުރާ 1 ބޯޓު ހިމެނޭކަމަށް ޓާސްކު ފޯހުން މައުލޫމާތުދެއްވާ.
19:54
22 Apr 2020އިހަވަންދޫގައި ދުވާލަކަށް 4500 ލިޓަރ ޑީސަލް ބޭނުންކުރެވޭއިރު ދުވާލެއްގެ މައްޗަށް 25 ޓަނު ފެން ބޭނުންކުރެވޭ ކަމަށް އިހަވަންދޫ ކައުންސިލުން ހާމަކޮށްފައިވާ ތަފާސްހިސާބުތަކުން ދައްކާ. އަދި ކެއިން ބުއިމަށް އާންމުކޮށް ބޭނުންވާ ހުރިހައި ތަކެއްޗެއްވެސް އިހަވަންދޫގެ ފިހާރަތަކުގައި އެބަހުރިކަމަށާއި ފިހާރަތަކަށް ލިބޭ ގިނަ އޯޑަރުތައް އެ އޯޑަރެއް ލިބޭ ދުވަހު ގެތަކަށް ޑެލިވަރ ކޮށްދޭކަމަށް އިހަވަންދޫ ކައުންސިލުން ވަނީ ހާމަކޮށްފަ.
19:51
22 Apr 2020މިއަދު އިހަވަންދޫގައި ލިބެންހުރި އަސާސީ ބައެއް ތަކެތި:
* 1100 ކިލޯ ހަނޑު، 2300 ކިލޯ ހަކުރު އަދި 4050 ކިލޯ ފުށް
* 25000 ލިޓަރ ޑީސަލް، 500 ޓަނު ފެން އަދި 500 ލިޓަރ ޕެޓްރޯލް
19:48
22 Apr 2020ކޮވިޑް-19 ހެލްޕު ޑެސްކުގެ އިއްޔެގެ ތަފާސް ހިސާބަށް ބަލާއިރު:
* 58 ފަރާތަކަށް ޒަރޫރީ ބޭނުންތައް ހަމަޖެއްސުމުގައި އެހީތެރިވެދީފައިވޭ
* މަސް ދޯންޏަކުން މަސް ގަންނަން ބޭނުންވި 67 ފަރާތަކަށް އެ އިންތިޒާމު ހަމަޖައްސައި ދީފައިވޭ
19:43
22 Apr 2020އާމިނާ ދިއޯ ހެލްތު ސެންޓަރުގައި ހަދަމުންދާ މި މަރުކަޒް ނިމޭއިރު 3 އެނދުގެ އައިސީޔޫއެއް ހުންނާނެކަމަށް ކޮވިޑް-19 އިހަވަންދޫ ޓާސްކު ފޯސްގެ ޗެއަރ މުޙައްމަދު އަކްރަމް މަޢުލޫމާތު ދެއްވާ.
19:42
22 Apr 2020
ކޮވިޑް-19 އަށް ފަރުވާ ދިނުމަށް އިހަވަންދޫގައި ޤާއިމުކުރާ ފަރުވާދޭ މަރުކަޒްގެ މަސައްކަތް ކުރިއަށްދަނީ
ކޮވިޑް-19 އަށް ފަރުވާ ދިނުމަށް އިހަވަންދޫގައި ޤާއިމުކުރާ ފަރުވާދޭ މަރުކަޒްގެ މަސައްކަތް ކުރިއަށްދަނީ
ކޮވިޑް-19 އާ ގުޅިގެން އިހަވަންދޫގައި ޤާއިމުކުރާ ފަރުވާދޭ މަރުކަޒުގެ މަސައްކަތް ވަރަށް ބާރަށް ކުރިއަށްއެބަދޭ.
17:48
22 Apr 2020މިއަދު ނެގި ސާމްޕަލްތަކުގެ ނަތީޖާ ކޮންމެ ގޮތަކަށް ދެއްކިނަމަވެސް އިހަވަންދޫގެ ލޮބުވެތި ރައްޔިތުންގެ ރައްކާތެރިކަމަށް އަޅާފައިވާ ފިޔަވަޅުތަކަށް ބަދަލެއް ނުގެންނާނެ ކަމަށް ކޮވިޑް-19 އިހަވަންދޫ ޓާސްކު ފޯސްގެ ޗެއަރ މުޙައްމަދު އަކުރަމް ވިދާޅުވެއްޖެ.
ރޭ އިހަވަންދޫ މޮނިޓަރިންގ އިން ނެގުމުންވެސް ކައުންސިލުންވަނީ އަޅާފައިވާ ފިޔަވަޅުތައް އެގޮތަށް ދަމަހައްޓައިފަ.
17:09
22 Apr 2020އުލިގަމުން ކޮވިޑް-19 އަށް ފައްސިވި މީހާއާ ޑައިރެކްޓް ކޮންޓެކްޓްވި ހއ އަދި ހދ ގައި ތިބި ފަރާތްތަކުގެ ސާމްޕަލް ނަގާފައިނުވާތީ، އެޗް.ޕީ.އޭ އިން ބޭއްވި ނޫސްވެރިންގެ ބައްދަލުވުމެއްގައި ނޫސްވެރިޔަކު ސުވާލުކުރުމުން ކޮވިޑް-19އާ ގުޅޭ މައުލޫމާތުދިނުމަށް ސަރުކާރުން ކަނޑައަޅާފައިވާ ތަރުޖަމާނު މުހައްމަދު މަބްރޫކު އަބްދުލް އަޒީޒު ވިދާޅުވީ އާންމު އުސޫލެއްގެ ގޮތުން ސާމްޕަލް ނަގަނީ އަލާމަތްތައް ފެންނަ ފަރާތްތަކުން ކަމަށެވެ. ނަމަވެސް އިހަވަންދޫން މިއަދު ސާމްޕަލް ނެގި ފަރާތްތަކުގެ ގައިން ބައްޔަށް ޝައްކުކުރެވޭ އެއްވެސް އަލާމާތެއް ފެނިފައިވާކަމެއް ނުވަތަ ނުވާކަމެއް ކާމާބެހޭ އެއްވެސް އިދާރާއަކުން ހާމަކޮށްފައެއް ނުވޭ.
16:59
22 Apr 2020ކޮވިޑް-19 އަށް ފައްސިވި މީހަކާ ޑައިރެކްޓް ކޮންޓެކްޓްވި ފަރާތްތަކުގެ ސާމްޕަލް ނެގުމެއްނެތި އިހަވަންދޫ މޮނިޓަރުން ހާލަތުން ނެގުމާގުޅިގެން ރައްޔިތުންގެ ކަންބޮޑުވުން އިންތިހާއަށް އޮތްއިރު ވަގުތު ޖެހުމުން ޓެސްޓްކުރަންޖެހޭ ފަރާތްތައް ޓެސްޓް ކުރާނެކަމަށް އިހަވަންދޫ ދާއިރާގެ ޢިއްޒަތްތެރި މެމްބަރު މުޙައްމަދު ޝިފާއުވަނީ ވިދާޅުވެފައި. މިއަދު ނެގުމަށް ހަމަޖެހިފައިވަނީ ކިތައް ސާމްޕަލްކަމެއް ނޭނގެ.
16:50
22 Apr 2020ކާވިޔާ ބޯޓުން ދަތުރު ކުރި އުލިގަމު މީހެއް ކޮވިޑް-19 އަށް ފައްސި ވެފައިވާއިރު އެމީހާއާ ޑައިރެކްޓް ކޮންޓެކްޓްވި ފަރާތްތައް އިހަވަންދޫގެ ގެތަކުގައި އެކަހެރި ކުރެވިފައިވާއިރު މިހާރު ސާމްޕަލް ނަގަމުންދަނީ އެފަރާތްތައް ކަމެއް ކަށަވަރެއް ނުކުރެވޭ.
16:44
22 Apr 2020
ސާމްޕަލް ނެގުމަށް އާމިނާދިޔޯ ހިއްޙީ މަރުަޒުގެ މުވަޒަފުން ހަރަކާތްތެރިވަނީ
ކޮވިޑް-19 އަށް ޓެސްޓް ކުރުމަށް އިހަވަންދޫގެ ބައެއް މީހުންގެ ގައިން ސާމްޕަލް ނަގަމުން އެބަދޭ. ސާމްޕަލް ނެގުމުގައި ހަރަކާތްތެރިވަނީ އާމިނާ ދިޔޯ ހެލްތު ސެންޓަރގެ މުވައްޒަފުން.
07:00
22 Apr 2020ގޭގެއިން ކުނި ނެގުމުގައި 2 ޕިކަޕާއި 5 ރަށު ޕިކަޕު ހަރަކާތްތެރިވަމުން އެބަދޭ
01:08
22 Apr 2020ކޮވިޑް-19 އަށް ފައްސިވެފައިވާ މީހަކާ ޑައިރެކްޓް ކޮންޓެކްޓްވެފައިވާ ފަރާތްތައް އިހަވަންދޫގައި ތިބިނަމަވެސް އެފަރާތްތައް ޓެސްޓު ނުކޮށް އިހަވަންދޫ މޮނިޓަރިން ހާލަތުން އެޗް.ޕީ.އޭ އިން ނެގުމުން ރައްޔިތުންގެ މެދުގައި އުފެދިފައިވާ ކަންބޮޑުވުމަށް އިހަވަންދޫ ދާއިރާގެ އިއްޒަތްތެރި މެމްބަރ މުޙައްމަދު ޝިފާޢު ޖަވާބު ދެއްވައިފިއެވެ. މެމްބަރުގެ ފޭސްބުކް ސްޓޭޓަސްގައި އެމަނިކުފާނު ވިދާޅުވީ އިހަވަންދޫ އަދި މާރަންދޫގައި ޓެސްޓް ކުރަންޖެހޭ އެއްވެސް މީހަކު ހުރިނަމަ، ޓެސްޓް ނުކޮށް ދޫނުކުރައްވާނެކަމަށާއި ވަގުތު ޖެހުމުން އެކަން ކުރައްވާނެ ކަމަށެވެ.
އަދި ކަންބޮޑުވެނުލައްވައި ރައްޔިތުން ރައްކާތެރިކަމާއެކު ގޭގައި ތިއްބެވުމަށް މެމްބަރވަނީ ނަސޭހަތްތެރިވެފައެވެ.
.jpg)
ހޯރަފުށި ބަނދަރުގައި އޮތް ރަސްމަގު ބޯޓުން އިހަވަންދޫގެ ފިހާރަތަކަށް ގެނައި މުދާ، ޓާސްކު ފޯހުގެ ފަރާތުން އިހަވަންދޫއަށް ގެނައުމުގެ މަސައްކަތްވަނީ ކޮށްފަ.
ހެލްތު ޕޮރޮޓެކްޝަން އެޖެންސީން އިހަވަންދޫ މޮނިޓަރިން ހާލަތަށް ގެނެސްފައިވާތީ ޒަރޫރީ ބޭނުންތައް ފުއްދަން ދަތިވާ ފަރާތްތަކުން ހެލްޕް ޑެސްކް ނަންބަރު 6500284 އަށް ގުޅުއްވާ.
