ގަބީލާ އެފްސީ މައިކަޕްގައި ބައިވެރިވުމަށް ދެކެމުންދިޔަ ހުވަފެން 11 އަހަރުފަހުން ހަޤީގަތަކަށް ވެފައިވާކަމަށް އެޓީމުން ބުނެފިއެވެ. ގަބީލާ އެފްސީގެ ކެޕްޓަން އަހުމަދު ރިޞްވާން މިނޫހަށް މައުލޫމާތު ދިންގޮތުގައި ގަބީލާ ޓީމް ވުޖޫދުވެފައިވަނީ ކުޅިވަރާއި އިޖްތިމާއީ ޙިދުމަތުގެ ތެރެއިން ތަފާތު ދެއްކުމުގެ މަޤްސަދުގައެވެ.
މިފަހަރުގެ މައިކަޕް މުބާރާތުގައި 12 ޓީމެއް ވާދަކުރާއިރު ގަބީލާ އެފްސީ ހިމެނެނީ ގޫރޫޕް ދޭއްގައެވެ. އެގުރޫޕުގައި ދެން ހިމެނޭ ޓީމްތަކަކީ ޖަންގަލް ރިޔުނައިޓެޑް، ސެންސިޓީގެ އިތުރުން މާރަންދޫ ޔޫތު ސޮސައިޓީއެވެ.
