ހއ. މުރައިދޫގައި ކުރިއަށްދާ “ތިލައުތުރު ވޮލީ މުބާރާތް – 2024” ގެ ފައިނަލްގެ ފަހު ޖާގަޔަށް ވާދަކުރާ، މުރައިދޫ އަދި ބާރަށް ބައްދަލުކުރާ ސެމީފައިނަލްގެ ފަހު މެޗް މިއަދު ހަވީރު 16:00 ގައި ކުޅޭނެއެވެ. މުރައިދޫ ވޮލީ ކޯޓްގައި ކުރިޔަށްދާ މިމުބާރާތުގެ ފައިނަލްގެ ފުރަތަމަ ޖާގަ، އިހަވަންދޫވަނީ ކަށަވަރު ކޮށްފައެވެ.
ސެމީ ފައިނަލް 3 މެޗް ކުޅޭ މިމުބާރާތުގެ ސެމީފައިނަލް 3 ވަނަ މެޗުން ބާރަށް ޖާގަ ހޯދީ، ސެމީ ފައިނަލް 2 ވަނަ މެޗްގައި އުތީމުގެ މައްޗަށް 3-0 ސެޓް އިން ކުރި ހޯދައިގެންނެވެ. ސެމީފައިނަލްގެ ފުރަތަމަ މެޗްގައި މުރައިދޫ، އިހަވަންދޫގެ އަތްދަށުވުމުން ސެމީފައިނަލްގެ 3 ވަނަ މެޗްގައި ކުޅެން ޖެހުނީއެވެ. މިއަދުގެ މެޗުން މޮޅުވާ ޓީމް މާދަމާ ރޭ 20:00 ގައި އޮންނަ މިމުބާރާތުގެ ފައިނަލް މެޗްގައި ބައްދަލުކުރާނީ އިހަވަންދޫ އާއެވެ.
މި މުބާރާތުގައި ބައިވެރިވެފައިވަނީ 7 ޓީމެވެ. އެއީ މުރައިދޫ، އުތީމް، ކެލާ، ވަށަފަރު، އިހަވަންދޫ، ބާރަށް އަދި ދިއްދޫއެވެ. މުބާރާތް ކުރިއަށްދަނީ ދެ ގްރޫޕަކަށް ބަހާލައިގެންނެވެ. މި މުބާރާތުގެ ޗެމްޕިއަން ޓީމަށް 20،000 ރުފިޔާ، ރަނަރަޕް ޓީމަށް 10،000 ރުފިޔާ އަދި ފެއަރ ޕްލޭ ޓީމަށް 5،000 ރުފިޔާގެ ފައިސާގެ އިނާމު ދިނުމަށް ވަނީ ހަމަޖެހިފައެވެ.
