އިހަވަންދޫ ކައުންސިލްގެ މިހިނގާ 4 ވަނަ ދައުރުގެ ރައީސް، އަހްމަދު ސޮބާހް ކުރިޔަށް އޮތް ލޯކަލް ކައުންސިލް އިންތިހާބުގައި އިހަވަންދޫ ކައުންސިލްގެ ރައީސްކަމަށް އަމިއްލަ ގޮތުން ވާދަކުރެއްވުމަށް، އިލެކްޝަންސް ކޮމިޝަނަށް ހުށަހަޅުއްވައިފިއެވެ. ސޮބާހް އަމިއްލަގޮތުން ވާދަކުރައްވަން ނިންމެވީ، ޕީއެންސީ ޓިކެޓް ހޯދުމަށް ޕީއެންސީ ޕްރައިމެރީގައި ވާދަކުރުމަށް ހުށަހެޅުމުން، ސޮބާހްގެ ޝަރުތު ހަމަނުވާކަމަށް އެޕާޓީއިން ނިންމައި ޕްރައިމެރީގައި ވާދަކުރުމުގެ ފުރުސަތު ނުދިނުމުންނެވެ.
ސޮބާހް އިންތިހާބުވީ ޕީޕީއެމް ޓިކެޓްގައި ނަމަވެސް، އެޕާޓީ އުވައިލުމުން ފަހުން ވެރިކަންކުރާ ޕީއެންސީއަށް ސޮއެކުރިއެވެ. ނަމަވެސް ފަހުން އެޕާޓީއިންވަނީ ވަކިވެފައެވެ. ވަކި ކެނޑިޑޭޓުންތަކެއް ޝަރުތުހަމަވާކަމަށް ނިންމައި، ވަކި ކެނޑިޑޭޓުންތަކަކަށް ޕްރައިމަރީއަކާއި ނުލާ ޓިކެޓް ދިނުމުން އުފެދުނު މައްސަލަތައް ހައްލުކުރުމަށް ކުރި މަސައްކަތް ކާމިޔާބު ނުވުމުން ސޮބާހްވަނީ އިހަވަންދޫ ޕީއެންސީ ސްޓިއަރިންގ ކޮމިޓީއިން އިސްތިއުފާ ދެއްވައި ޓީމަކާއިއެކު އަމިއްލަ ގޮތުން ކައުންސިލް އިންތިހާބުގައި ވާދަކުރައްވާނެކަން އިއުލާން ކުރައްވާފައެވެ.
އެގޮތުން މިހާތަނަށް އެޓީމުންވަނީ 6 ކެނޑިޑޭޓެއް އިއުލާންކޮށްފައެވެ. އެއީ:
މީގެ އިތުރުން، އެ ޓީމާއެކު އަންހެނުންގެ ތަރައްގީއަށް މަސައްކަތްކުރާ ކޮމިޓީއަށް ވާދަކުރައްވާނެކަން އަދި އިއުލާންކުރައްވާފައިވަނީ ތޯހިރާ މުހައްމަދު އެވެ.
ސޮބާހް މިނޫހަށް މައުލޫމާތު ދެއްވަމުން ވިދާޅުވީ، ބާކީތިބި ކެންޑިޑޭޓުންގެ ފޯމް މިއަދު ހުށަހެޅުމުގެ މަސައްކަތް ކުރަމުންދާއިރު، އިއްޔަ ފޯމް ހުށަނޭޅުނީ އެކެނޑިޑޭޓުންގެ ޖުޑިޝަރީ ލިޔުން ނުލިބޭތީ ކަމުގައެވެ. މީގެއިތުރުން އެޓީމްގެ ފަރާތުން އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށް ކުރިމަތިލާނެ ބާކީތިބި ކެނޑިޑޭޓުން މިހަފުތާގައި އިއުލާން ކުރާނެކަމަށްވެސް ސޮބާހް ވިދާޅުވިއެވެ.
