އިހަވަންދޫ ކައުންސިލްގެ ރައީސް އަހްމަދު ސޮބާހް، އާއި އެކު އެއް ޓީމެއްގެ ގޮތުގައި ކުރިޔަށްއޮތް ލޯކަލް ކައުންސިލް އިންތިހާބަށް ނުކުންނަ ޓީމްގެ ހުރިހާ ކެނޑިޑޭޓުން ހަމަކޮށްފިއެވެ.
އެގޮތުން އެޓީމްގެ ފަރާތުން ނުކުންނަ، ކައުންސިލް ރައީސްގެ އިތުރުން 4 މެމްބަރުން އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީ ރައީސާ އަދި 4 މެމްބަރުންގެ ނަން މިހާރުވަނީ އާންމުކޮށް އިއުލާންކޮށްފައެވެ.
ސޮބާހްގެ ޓީމްގައި ހިމެނޭ ފަރާތްތަކަކީ:
ކައުންސިލް ރައީސްކަމަށް: އަހްމަދު ސޮބާހް
މެމްބަރުކަމަށް: މުހައްމަދު ފިރާޤު
މެމްބަރުކަމަށް: މުހައްމަދު ވިޝާހު
އަންހެން މެމްބަރުކަމަށް: ފާތިމަތު ސަޖުނާ
އަންހެން މެމްބަރުކަމަށް: އައިޝަތު ސަމާހަތު
އ.ތ.މ.ކ ގެ ރައީސާ ކަމަށް: ނަޝީދާ އަބުދުﷲ
އ.ތ.މ.ކ ގެ މެމްބަރު: ޠާހިރާ މުޙައްމަދު
އ.ތ.މ.ކ ގެ މެމްބަރު: ޙަލީމަތު ހުރާސަތު
އ.ތ.މ.ކ ގެ މެމްބަރު: މަޖުދާ މުހައްމަދު
އ.ތ.މ.ކ ގެ މެމްބަރު: ޢާއިޝަތު ރަޝީދާ
ޓީމެއްގެ ގޮތުގައި ސޮބާހްއާއި އެކު އަމިއްލަގޮތުން ކައުންސިލަށް ކުރިމަތިލާ ފަރާތްތަކުގެ ޓީމް އުފެދުނީ، ވެރިކަން ކުރާ ޕީއެންސީ ޕްރައިމަރީގައި ވާދަކުރަން ސޮބާހް އަދި ފިރާޤު ކުރިމަތިލުމުން، ޝަރުތުހަމަނުވާކަމަށްބުނެ ޕްރައިމަރީގައި ވާދަކުރުމުގެ ފުރުސަތު ނުދިނުމުންނެވެ. ވަކި ކެނޑިޑޭޓުންތަކެއް ޝަރުތުހަމަވާކަމަށް ނިންމައި، ވަކި ކެނޑިޑޭޓުންތަކަކަށް ޕްރައިމަރީއަކާއި ނުލާ ޓިކެޓް ދިނުމުން އުފެދުނު މައްސަލަތައް ހައްލުކުރުމަށް ކުރި މަސައްކަތް ކާމިޔާބު ނުވުމުން ސޮބާހްވަނީ އިހަވަންދޫ ޕީއެންސީ ސްޓިއަރިންގ ކޮމިޓީއިން އިސްތިއުފާ ދެއްވައި ޓީމަކާއިއެކު އަމިއްލަ ގޮތުން ކައުންސިލް އިންތިހާބުގައި ވާދަކުރައްވަން ނުކުންނަވާފައެވެ.
ފާހަގަކޮށްލެވޭ:
ސޮބާހް އާއިއެކު އަމިއްލަގޮތުން ވާދަކުރާ 10 ކެނޑިޑޭޓުންގެ ޓީމް މިހާރު އިއުލާންކޮށްފައި ވާއިރު، ވެރިކަންކުރާ ޕީއެންސީ އަދި އިދިކޮޅު އެމްޑީޕީގެ ފުލްޓީމް އަދިވެސް އިއުލާންކުރެވޭ ގޮތެއްނުވެއެވެ.
