2025ވަނަ އަހަރު ވަފާ ޕްރީސުކޫލަށް ވަނުމުގެ މުއްދަތު އިތުރުކޮށްފި..

ވަފާ ޕްރީސްކޫލުން ވަނީ، ކުރިއަށް އޮތް  2025ވަނަ  ދިރާސީ އަހަރުގެ ބޭބީ ނަރސަރީ އަދި ނަރސަރީ ޕްރޮގްރާމްތަކަށް އެޑްމިޝަން، 8 ފެބުރުވަރީ 2025ން ފެށިގެން،  އެ ސުކޫލުގެ ފޭސްބުކް ޕޭޖް މެދުވެރިކޮށް ހުޅުވާލާފައެވެ. މި ދެ ޕްރޮގުރާމްއަށް ވެއްދުމަށްޓަކައި އަންނަނިވި ޝަރުތުތައް ފުރިހަމަވާން ޖެހެއެވެ.

• ބޭބީ ނަރސަރީ ޕްރޮގްރާމަށް، 31 ޑިސެމްބަރު 2024 ގެ ނިޔަލަށް ނުވަތަ 31 މާރިޗު 2025 ގެ ނިޔަލަށް 2 އަހަރު ފުރިފައިވުން.
• ނަރސަރީ ޕްރޮގްރާމަށް، 31 ޑިސެމްބަރު 2024 ގެ ނިޔަލަށް ނުވަތަ 31 މާރިޗު 2025 ގެ ނިޔަލަށް 3 އަހަރު ފުރިފައިވައިވުން.

ވަފާ ޕްރީސްކޫލަށް ވަނުމަށްޓަކައި، ދީފައިވާ އެޑްމިޝަން ފޯމު ފުރިހަމަކޮށް، އޭޕްރީލް މަހުގެ 3ވަނަ ދުވަހުގެ މެންދުރުފަހު 1:00ގެ ކުރިން ހުށަހަޅަންވާނެކަމަށް ސުކޫލުން މަޢުލޫމާތުދެއެވެ. ވަފާ ޕްރީސުކޫލަކީ 1998 ން ފެށިގެން އިހަވަންދޫގައި އަމިއްލަ ފަރާތަކުން ހިންގަމުން އަންނަ ސުކޫލެކެވެ. މި އަހަރަކީ އެ ސުކޫލުގެ އުމުރުން 27 ވަނަ އަހަރު ގުނަމުންދާ އަހަރެވެ. ވަފާ ޕްރީސްކޫލަކީ އިހަވަންދޫގައި ހުރި ހަމައެކަނި ޕްރީސްކޫލެވެ. އެ ސުކޫލުގެ މައިގަނޑު އަމާޒަކީ ޒަމާނާއެއްގޮތަށް ފެންވަރު ރަނގަޅު ތަޢުލީމް ދަރިވަރުންނަށް ފޯރުކޮށްދިނުންކަމުގައި ސޮކޫލްގެ މެނޭޖްމެންޓުން ފާހަގަކުރެއެވެ. އެގޮތުން އެލް.ކޭ.ޖީ. އާއި ޔޫ.ކޭ.ޖީ މަރުހަލާއަށް ދިޔުމުގެ ކުރިން ނަފްސާނީގޮތުން އެކުދިން ތައްޔާރުކުރުމާއެކު ލިޔުމާއި ކިޔުމުގެ ހުނަރުތަށް ތަރައްޤީކުރުން ހިމެނޭކަމުގައި ސުކޫލުން މަޢުލޫމާތުދެއެވެ. މީގެ އިތުރުން އެ ސުކޫލުންދަނީ ދަރިވަރުންގެ ޅަފަތުގެ ތައުލީމަށް ބޭނުންވާ މުހިއްމް ހުނަރުތައް ހިމެނޭހެން، ތަފާތު އިތުރު ހަރަކާތްތައް ހިންގަމުންނެވެ. އެޑްމިޝަން ފޯރމް: https://forms.gle/Zww1G6623UoX4Yn97 އިތުރު މަޢުލޫމާތު:  7733544، 9107571 ވަފާ ޕްރީ ސްކޫލްގެ ފޭސްބުކް ޕޭޖް