ވޮލީބޯލް އެސޯސިއޭޝަން އޮފް މޯލްޑިވްސްއިން ބޭއްވުމަށް ހަމަޖެހިފައިވާ އިންޓަރސްކޫލް ވޮލީ މުބާރާތުގައި އިހަވަންދޫ ސްކޫލް ބައިވެރިވެ، ޓީމް އެކުލަވައިލުމަށް ޓަކައި ޕްރެކްޓިސް ފަށައިފިއެވެ. އިހަވަންދޫ ސްކޫލުން މިމުބާރާތުގައި ބައިވެރިވެފައިވަނީ، 19 އަހަރުން ދަށުގެ އުމުރުފުރައިން އަންހެން އަދި ފިރިހެން ޑިވިޜަންގައެވެ.
އަންނަ ނޮވެމްބަރ މަހުގެ 25 ގައި ފެށުމަށް ހަމަޖެހިފައިވާ މިމުބާރާތް ކުރިޔަށްދާނީ، މާލޭ އެކުވެނި ޓާފް އައުޓްޑޯ ވޮލީކޯޓުތަކުގައެވެ. މިމުބާރާތުގައި ބައިވެރިވާ އިހަވަންދޫ ސްކޫލް ޓީމްގެ ޕްރެކްޓިސް ފަށާފައިފަވާއިރު، ކޯޗުންގެ ގޮތުގައި ހަރަކާތްތެރިވަނީ އިހަވަންދޫގައި ވޮލީބޯލް ކޯޗުންގެ ގޮތުގައި ހަރަކާތްތެރިވާ އެންމެ ތަޖްރިބާކާރު ފަރާތްތައްކަން ފާހަގަކުރެވެއެވެ. މިއީ މާލޭގައި ބާއްވާ އިންޓަރ ސްކޫލް ވޮލީމުބާރާތެއްގައި އިހަވަންދޫ ސްކޫލް ބައިވެރިވާ ފުރަތަމަ ފަހަރުކަން ފާހަގަކުރެވެއެވެ.
