ވޮލީބޯލް އެސޯސިއޭޝަން އޮފް މޯލްޑިވްސްއިން ކުރިޔަށްގެންދާ އިންޓަރސްކޫލް ވޮލީ މުބާރާތުގައި، އިހަވަންދޫ ސްކޫލްގެ 19 އަހަރުން ދަށުގެ ފިރިހެން ޓީމް، އަތޮޅު ކެޓަގަރީގެ ފައިނަލަށް ދަތުރުކޮށްފިއެވެ. އެޓީމް ފައިނަލަށް ދަތުރުކުރީ މިއަދު ކުޅުނު ސެމީފައިނަލް މެޗްގައި މީމު އަތޮޅު އެޑިއުކޭޝަން ސެންޓަރ ސީދާ ދެ ސެޓުން ބަލިކޮށްގެންނެވެ.
މިއަދުގެ މެޗްގެ ސެޓްތައް އިހަވަންދޫ ސްކޫލްގެ ޓީމް ގެންދިޔައީ 18-10 އަދި 18-15 އިންނެވެ. އަތޮޅު ކެޓަގަރީގެ ފައިނަލް މެޗް އޮންނާނީ އަންނަ މަހުގެ 2 ވާ ހޯމަ ދުވަހުގެ 15:45 ގައެވެ. އިހަވަންދޫ ސްކޫލުން މިމުބާރާތުގެ ބައިވެރިވާ ދެ ޓީމް ކަމަށްވާ، 19 އަހަރުން ދަށުގެ ފިރިހެން ޓީމް އަދި އަންހެން ޓީމްވެސް މިމުބާރާތުގެ ފައިނަލް ރައުންޑަށްވަނީ ކޮލިފައިވެފައެވެ.
