އެއްތަނަކުން ގިނަ ވިޔަފާރިތައް ކުރެވޭނެ އިންތިޒާމުތަކަކާއެކު “އިވޯން މާރޓް” މިރޭ ހުޅުވުމަށް ތައްޔާރުވެއްޖެއެވެ. މިރޭ 8:30 ގައި ރަސްމީކޮށް ހުޅުވުމަށް ހަމަޖެހިފައިވާ މި ފިހާރަ ހުންނަނީ އޭސިޔާ ހިނގުމާއި ރާދަހިންގުން ގުޅޭ ކަންމަތީގައެވެ.
ކާބޯތަކެއްޗާއި ބަދިގެ ސާމާނު، ސްޓޭޝަނަރީ އަދި އިލެކްޓްރޯނިކްސް ފަދަ ގިނަ ބާވަތްތަކުގެ ތަކެތި އެއް ފުރާޅެއްގެ ދަށުން ލިބޭގޮތަށް ހުރި މި ފިހާރަ ހުޅުވިފައި ހުންނާނީ ހަފްތާގެ ކޮންމެ ދުވަހެއްގެ ހެނދުނު 6 ކުން ރޭގަނޑު 10 އަކަށެވެ. ދެ ބުރިއަށް ހަދާފައިވާ މި ފިހާރައަކީ އިހަވަންދޫގައި މިހާތަނަށް ހުޅުވޭ އެންމެ ބޮޑު ފިހާރައެވެ.
މި ފިހާރައިގެ ވެރިފަރާތުން މި ނޫހަށް މައުލޫމާތު ދެއްވަމުން ވިދާޅުވީ، “މިއީ އިހަވަންދޫގައި މިހާތަނަށް ހުޅުވޭ އެންމެ ބޮޑު ފިހާރައަށް ވާނެކަމަށާއި މިތަނުން ގޭތެރެއަށް ބޭނުންވާ ހުރިހާ ސާމާނަކާއި އޮފީސްތަކަށް ބޭނުންވާ ގިނަ ސާމާނު ވަރަށް ހެޔޮ އަގުގައި ލިބެން ހުންނާނެ.” ކަމަށެވެ.
ފިހާރަ ހުޅުވުމުގެ ގޮތުން ޑިސެމްބަރު 1 ވަނަ ދުވަހާ ހަމައަށް ކުރިއަށްގެންދާ އޯޕަނިން ޕްރޮމޯޝަންގައި 100 ރުފިޔާއިން މަތީގެ ކޮންމެ ވިޔަފާރިއަކަށްވެސް ކޫޕަނެއް ލިބިވަޑައިގަންނަވާނެއެވެ. މި ކޫޕަންތަކުން ގުރުއަތުން ހޮވޭ 3 ފަރާތަކަށް ވަރަށް ޚާއްސަ އިނާމުތަކެއް ކަނޑައެޅިފައިވާ ކަމަށް ފިހާރައިގެ ވެރިފަރާތުން މައުލޫމާތު ދެއްވިއެވެ.
މި ފިހާރައިގެ އެންމެ ޚާއްސަ ކަމެއްގެ ގޮތުގައި ފާހަގަ ކުރެވިފައިވަނީ ކަސްޓަމާރ ލޯޔަލްޓީ ރިވޯޑިން ޕްރޮގުރާމެވެ. ލޯޔަލްޓީ ކަސްޓަމަރުން ގޮތުގައި ރެޖިސްޓާރ ވެފައިވާ ފަރާތްތަކަށް ވިޔަފާރިކުރައްވާއިރު ލޯޔަލް ޕޮއިންޓްސް ލިބިލައްވާނެއެވެ. މި ޕޮއިންޓްތައް ދެވަނަ ފަހަރަށް ވިޔަފާރިކުރަން ދުރުވާއިރު ކްލެއިމް ކޮށް ޑިސްކައުންޓް ލިބިލެއްވޭނެއެވެ. ކަސްޓަމާރ އެކައުންޓްގައި 2000 ޕޮއިންޓާ ހަމައަށް ޕޮއިންޓް ބެހެއްޓޭނެކަމަށްވެސް ފިހާރައިގެ ވެރިފަރާތުން މައުލޫމާތު ދެއްވިއެވެ.
ބޯޓްތަކަށާއި ފެރީތަކަށް ހިލޭ ޑެލިވަރީ ކޮށްދިނުމަށް ހަމަޖެހިފައިވާ މި ފިހާރައިން ހއ އަތޮޅުގެ ހުރިހާ ރަށެއްގެ ރައްޔިތުންނަށްވެސް ގޭގައި ތިބެގެން ފިޔަފާރި ކޮށްލުމުގެ ފުރުސަތު ހުޅުވިގެން ދާނެއެވެ. ފިހާރައިގެ އައިޓަމް ލިސްޓާއި އަލަށް ގެންނަތަކެތި އަދި ސޭލް އައިޓަމްސް އިވޯން މާރޓް ފޭސްބުކް ޕޭޖުންނާއި, ވައިބާ ކޮމިއުނިޓީއިން ބަލައިލެވޭއިރު، އޯޑާރ ކޮއްލެއްވުމަށް އިވޯން މާރޓްގެ ނަންބަރު 7939233 އަށް ވައިބާރ ކުރުވޭނެކަމަށް ފިހާރައިގެ ވެރިފަރާތުން މައުލޫމާތު ދެއްވިއެވެ.
