އިހަވަންދޫ ހިމެނޭހެން، 21 ރަށެއްގައި ފިއުލް ސްޓޯރޭޖް ފެސިލިޓީ ސެޓަޕް ހަދަނީ

ރާއްޖޭގެ ހުރިހާ އަތޮޅަކުން އެސްޓީއޯގެ ރޭޓުގައި ތެޔޮ ލިބޭ ގޮތް ހެދުމުގެ މަޝްރޫޢުގެ ދަށުން ސްޓޭޓް ޓްރޭޑިންގް އޯގަނައިޒޭޝަން (އެސް.ޓީ.އޯ)ގެ ތެޔޮ ވިއްކާ ސެޓަޕް ޤާއިމުކުރާ ރަށްތަކުގެ ތެރޭގައި  އިހަވަންދޫ އާއިއެކު 21 ރަށެއް އިއުލާން ކޮށްފިއެވެ. އެކަން އިއުލާން ކޮށްފައިވަނީ މިމަހުގެ 07 ވަނަ ދުވަހު ރައީސް އޮފީހުގައި އޮތް ރަސްމިއް ޔާތެއްގައި، ރައީސް ޑރ. މުޙައްމަދު މުޢިއްޒު އެވެ. އެގޮތުން، މިސެޓްއަޕް ރާއްޖޭގެ ކޮންމެ އަތޮޅަކުން ރަށެއްގައި ޤާއިމުކުރާނެއެވެ. މަސްވެރިންނާއި ޢާންމު ރައްޔިތުންނަށް ތެޔޮ ލިބޭނޭ ނިޒާމު ޤާއިމުކުރުމަށް އަމާޒުކޮށްގެން ހިންގަ މިމަޝްރޫޢު، ހަތަރު ފިޔަވައްސަކަށް ބަހާލައިގެން ކުރިއަށް ގެންދިއުމަށް ނިންމާފައިވާއިރު، މިމަޝްރޫޢުގެ މަސައްކަތް 2026 ވަނަ އަހަރުގެ ޖެނުއަރީ މަހުގެ ނިޔަލަށް ނިންމުމަށް ކަނޑައަޅާފައިވެއެވެ. އިހަވަންދޫގާއި ފިއުލް ސްޓޯރޭޖް ފެސިލިޓީ ސެޓަޕް ގާއިމްކޮށް ނިންމުމަށް ކަނޑައަޅާފައިވަނީ އަންނަ އަހަރުގެ އޮކްޓޯބަރު މަހުގެ ނިޔަލަށެވެ.  އިހަވަންދޫއިން ތެޔޮ ލިބޭނެ މަގެއް ހަމަޖެއްސުމަކީ ރައީސް ޑރ. މުޙައްމަދު މުޢިއްޒުގެ ރިޔާސީ ވައުދެކެވެ. މި މަޝްރޫއު އިފްތިތާހުކުރުމަށް ބޭއްވި ރަސްމިއްޔާތުގައި އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހިމް ވިދާޅުވީ މަސްވެރިންނާއި އާއްމުންނަށް އެސްޓީއޯ ރޭޓުގައި ތެޔޮ ފޯރުކޮށްދިނުމަކީ ރައީސް މުއިއްޒުގެ ވައުދުފުޅެއް ކަމަށެވެ. އެއީ ހުރިހާ ރައްޔިތުން ޝާމިލުވާ ގޮތަށް ރައީސް ގެންނަވަން މަސައްކަތްޕުޅު ކުރައްވާ ތަރައްގީގެ މުހިންމު ބައެއްގެ ގޮތުގައި ޝިމްހާދު ސިފަކުރެއްވި އެވެ.