އިހަވަންދޫ ކައުންސިލުން، މާދަމާ ރޭ ރައްޔިތުންނާ ބައްދަލުކުރަނީ…

އިހަވަންދޫ ކައުންސިލުން، މާދަމާ ރޭ ރައްޔިތުންނާއި ބައްދަލުކުރާނެއެވެ. އިހަވަންދޫ ކައުންސިލުން އިޢުލާންކޮށްފައިވާ ގޮތުގައި  މިބައްދަލުވުން އޮންނާނީ މާދަމާ ރޭ 20:30 ހުގައި އިހަވަންދޫ ރައްވެހި ހިޔާގައެވެ. އިހަވަންދޫ ކައުންސިލްގެ ރައީސް އަހްމަދު ސޮބާހް ވިދާޅުވީ މާދަމާރޭގެ ބައްދަލުވުމަކީ، ދިވެހިރާއްޖޭގެ އިދާރީ ދާއިރާތައް ލަމަރުކަޒީ އުސޫލުން ހިނގުމަށް ޤާނޫނު ނަންބަރު 7/2010 ގެ 107 ވަނަ މާއްދަގެ ދަށުން ކައުންސިލްތަކުން ބޭއްވުމަށް ލާޒިމުކުރާ ފެބުރުއަރީ މަހު ބައްދަލުވުންކަމުގައެވެ. މާދަމާ ރޭގެ ރައްޔިތު ބައްދަލުވުމުގައި، 2024 ވަނަ އަހަރުގެ އަހަރީ ރިޕޯޓާއި މާލީ ބަޔާން ހުށަހެޅުމާއި، 2025 ވަނަ އަހަރަށް ކައުންސިލުން ރާވާފައިވާ ހަރަކާތްތަކާއި ގުޅޭގޮތުން މަޝްވަރާ ކުރުމުގެ އިތުރުން، އިހަވަންދޫގެ ލޭންޑް ޔޫސް ޕްލޭނަށް ކައުންސިލުން ގެންނަން ފެންނަ ބަދަލުތަކާއި ގުޅޭގޮތުން މަޝްވަރާކުރުމާއި ރައްޔިތުންގެ ސުވާލުތަކަށް ޖަވާބުދިނުން އޮންނާނެއެވެ. މިބައްދަލުވުމުގައި ވީހާވެސް ގިނަ ރައްޔިތުން ބައިވެރިވުމަށް ކައުންސިލުން އެދިލައްވައެވެ.