ހއ. އިހަވަންދޫގައި ޓާފް އަޅައިގެން ތަރައްޤީކޮށްފައިވާ ޢާޒީ ދަނޑުގައި ލައިޓިންގ ސިސްޓަމެއް ޤާއިމްކޮށްދޭނެ ފަރާތެއް ހޯދުމަށް ޢިއުލާނުކޮށްފިއެވެ. މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް އިން ކޮށްފައިވާ ޢިއުލާނުގައި ވަނީ އެކަމަށް ޝައުޤުވެރިވާ ފަރާތްތަކުން އަންނަ ޖެނުއަރީ މަހުގެ 4 ވާ ބުދަ ދުވަހުގެ 11:00 އަށް އަންދާސީ ހިސާބު ހުށަހެޅުމަށެވެ.
މިކަމާއި ގުޅިގެން އިހަވަންދޫ ދާއިރާގެ އިއްޒަތްތެރި މެމްބަރު މުހައްމަދު ޝިފާއު ވިދާޅުވީ މިއީ ޒުވާނުންގެ ސަރުކާރުކަމަށައި، އިހަވަންދޫ ޒުވާނުންގެ އުއްމީދުތައް ތަރުތީބުން ފުރިހަމަ ކުރަމުންދާކަމުގައެވެ.
