އިހަވަންދޫ ކައުންސިލުން އިންތިޒާމްކޮށްގެން ކުރިޔަށްގެންދާ “އިހަވަންދޫ ކައުންސިލް ކަޕް ފުޓްބޯޅަ މުބާރާތް 2024” ގެ ފައިނަލަށް އެންވީކޭ ދަތުރު ކުރިއިރު، އިރަމާ އަދި ޔުނައިޓެޑް ޔޫތް ސެމީފައިނަލަށް ދަތުރުކޮށްފިއެވެ.
މިމުބާރާތުގެ ފައިނަލަށް އެންވީކޭ ދަތުރުކުރީ ކުޅުނު ހުރިހާ މެޗަކުން މޮޅުވެގެން 9 ޕޮއިންޓާއި އެކުއެވެ. ގްރޫޕް ސްޓޭޖްގެ ދެވަނަ ހޯދީ ޔުނައިޓެޑް ޔޫތް 6 ޕޮއިންޓް ހޯދިއިރު، 3 ވަނަ ހޯދި އިރަމާވަނީ 3 ޕޮއިންޓް ހޯދައިފައެވެ. ގްރޫޕް ސްޓޭޖްގައި ކުޅުނު ހުރިހާމެޗަކުން ބަލިވެ މުބާރާތުން ކެޓި ސެންސިޓީއަށް އެއްވެސް ޕޮއިންޓެއް ނުލިބެއެވެ.
ޔުނައިޓެޑް ޔޫތް އަދި އިރަމާ ވާދަކުރާ ސެމީފައިނަލް މެޗް ކުޅޭނީ މާދަމާރޭ 20:00 ގައެވެ. މިމުބާރާތުގެ ފައިނަލް މެޗް ކުޅޭނީ މިމަހުގެ 12 ވަނަ ދުވަހުގެ ރޭ 20:00 ގައެވެ.
މިމުބާރާތުގައި ވާދަކުރަނީ ޔުނައިޓެޑް ޔޫތް، އެންވީކޭ، ސެންސިޓީ އަދި ކުލަބް އިރަމާއެވެ. މިއަހަރުގެ މުބާރާތުގެ ޗެމްޕިއަން ޓީމަށް 15000ރ ގެ ފައިސާގެ އިނާމެއް ހުށަހަޅާފައިވާއިރު ރަނާރސް އަޕް ޓީމަށް 5000ރ ގެ ފައިސާގެ އިނާމެއް ހުށަހަޅާފައިވެއެވެ.
