ބަރަކާތްތެރި ރަމަޟާންމަހުގެ ދުވަސްތައް ދިރުވައި އާލާކޮށް، ދަރިވަރުންނަށް ޤުރްއާން ކިޔެވުމާއި އަޑުއެހުމުގެ ފުރުޞަތު އިތުރަށް ތަނަވަސްކޮށްދިނުމުގެ މަޤުޞަދުގައި އިހަވަންދޫ ސްކޫލުން ބޭއްވި ރަމަޟާންމަސް އިހުޔާކުރުމުގެ ޤުރްއާން މުބާރާތުން 1 ވަނަ ހއ. އިހަވަންދޫ، މަންޒިލް ފާޠިމަތު ރާޔާ ރައުފު ހޯދައިފިއެވެ.
[caption id="attachment_8038" align="alignnone" width="580"]
އިނާމު ދިނުމުގެ ރަސްމިއްޔާތުގައި ކައުންސިލްގެ ނައިބު ރައީސް އަލްފާޟިލް ޢަލީ ރަމީޒް (ވ) ބައިވެރިވެލެއްވި.[/caption]
ޖޫން 9 ން 10 އަށް ކުރިޔަށްދިޔަ މި މުބާރާތުގެ ނަތީޖާ ފާޅުކުރުމަށް މިއަދު ހަވީރު ބޭއްވުނު ރަސްމިއްޔާތުގައި މުޅި މުބާރާތުން 2 ވަނަ ހއ. އިހަވަންދޫ، އާހިޔާ މައީޝާ އަޙްމަދު ރަޝީދު ހޯދިއިރު މުޅި މުބާރާތުން 3 ވަނަ ހޯދީ ހއ. އިހަވަންދޫ، އަމާޒް އިބްރާހީމް އައުސް އެވެ.
[caption id="attachment_8037" align="alignnone" width="562"]
ޕީޓީއޭގެ ނައިބު ރައީސް އަލްފާޟިލް މުޙައްމަދު ސިރާޖު (ވ) މުބާރާތުގެ ބައިވެރިއަކަށް އިނާމު ހަވާލުކޮށްދެއްވަނީ.[/caption]
މުބާރާތުގެ ދެ ގޮފިން (ފޮތުން އަދި ހިތުން ކިޔެވުމުގެ ގޮފި) އުމުރުފުރާތަކުން އަށް ދަރިވަރަކު 1 ވަނަ ހޯދާފައިވެއެވެ. އަދި ފަސް ދަރިވަރަކު 2 ހޯދާފައިވާއިރު އުމުރުފުރާތަކުން 3 ވަނަ ހޯދާފައިވަނީ ހަތަރު ދަރިވަރުންނެވެ.
އިހަވަންދޫ ކައުންސިލްގެ ރައީސް އަލްފާޟިލް މުޙައްމަދު ރަޝީދު (ވ) މުބާރާތުގެ ބައިވެރިއަކަށް އިނާމު ހަވާލުކޮށްދެއްވަނީ.[/caption]
މި މުބާރާތުގެ ފަނޑިޔާރުކަން ކޮށްދެއްވާފައިވަނީ ހިފުޒުކޮށް ތަރާވީޙު ނަމާދު ކުރުމަށް ޕާކިސްތާނުން ގެނެސްފައިވާ 3 ޙާފިޡުންނެވެ.
މުބާރާތުގެ ފަނޑިޔާރަކަށް ޕްރިންސިޕަލް އަޙްމަދު ރަޝީދު (ވ) ހަނދާނީ ލިޔުން ދެއްވަނީ. މުބާރާތުގެ ފަނޑިޔާރުންނަށާއި މުބާރާތުގެ އިނާމު ހުށަހެޅުއްވި ފަރާތްތަކަށް ޕްރިންސިޕަލް ޝުކުރު ދެންނެވި.[/caption]
