ތުރާކުނު ބަލިކޮށް އިހަވަންދޫ، ސެމީ ފައިނަލުން ޖާގައެއް ކަށަވަރުކޮށްފި

ތިލައުތުރު ފުޓްސަލް މުބާރާތް 2024 ގައި، އިހަވަންދޫ ޓީމް ކުޅުނު ތިންވަނަ  މެޗްގައި 1-4 ގެ ނަތީޖާ އަކުން ތުރާކުނު ބަލިކޮށް، ބާކީ އެއް މެޗް އޮށްވާ މުބާރާތުގެ ސެމީ ފައިނަލުން ޖާގައެއް ކަށަވަރު ކޮށްފިއެވެ. ރޭ 20:00 ގައި ކުޅުނު މެޗްގައި އިހަވަންދޫ ޓީމްގެ ހާމިދު ދެ ގޯލް ޖެހިއިރު، މަދީހް އަދި ޝާނިއު ގޯލެއް ޖެހިއެވެ. މެޗްގެ މޮޅު ކުޅުންތެރިޔާއަށް ހޮވުނީ އިހަވަންދޫ ޓީމްގެ ޖާޒީ ނަންބަރު 10، އިބްރާހިމް ހާމިދުއެވެ. މިމުބާރާތުގެ އިހަވަންދޫ ކުޅުނު 3 މެޗުންވެސް މޮޅުވެފައިވާއިރު، 9 ޕޮއިންޓާއި އެކު އެޓީމް މިވަގުތު އޮތީ ގްރޫޕްގެ   ޕޮއިންޓް ތާވަލްގެ އެއްވަނައިގައެވެ. މިމުބާރާތުގައި އިހަވަންދޫ ހިމެނެނީ ގްރޫޕް 2 ގައެވެ. އެ ގްރޫޕްގައިދެން ހިމެނެނީ ތުރާކުނު، އުތީމް، އުލިގަން، ކެލައެވެ. ގްރޫޕް ސްޓޭޖްގެ ފަހު މެޗްގައި މިރޭ އިހަވަންދޫ ނުކުންނާނީ ކެލަޔާ ދެކޮޅަށެވެ. އެމެޗް ފަށާނީ 21:00 ގައެވެ.