ރަސްތަރި ޤުރުއާން މުބާރާތް ފެށިގެން ކުރިޔަށް...

އިހަވަންދޫ ކައުންސިލުން ބާއްވާ، ރަސްތަރި ޤުރުއާން މުބާރާތް 2024 ފަށައިގެން ކުރިޔަށް އެބަދެއެވެ. އިހަވަންދޫ ރަށްވެހި ހިޔާގައި ކުރިޔަށްދާ މިމުބާރާތް ފެށީ މިއަދު 13:45 ގައެވެ. ޖުމުލަ 32 ބައިވެރިންނާއި އެކު ކުރިޔަށްދާ މިމުބާރާތުގެ ފުރަތަމަ ރައުންޑްގެ ކިޔެވުން މިހާރުވަނީ ނިމިފައެވެ. ފުރަތަމަ ރައުންޑްގެ ނަތީޖާ ފާޅުކުރާނީ މާދަމާ ހެނދުނު 8:30 ގައެވެ. މިމުބާރާތް ކުރިޔަށް ގެންދަނީ 3 ރައުންޑަކަށެވެ. ފުރަތަމަ ރައުންޑާއި ދެ ވަނަ ރައުންޑަކީ އެލިމިނޭޝަން ރައުންޑެވެ. 3 ވަނަ ރައުންޑަކީ ފައިނަލް ރައުންޑެވެ. ދެ ވަނަ ރައުންޑަށް ހޮވޭނީ ފުރަތަމަ ރައުންޑުން އެންމެ މަތިން މާކުސް ހޯދާ 10 ބައިވެރިންނެވެ. އަދި ފައިނަލް ރައުންޑަށް ހޯވޭނީ ދެ ވަނަ ރައުންޑުން އެންމެ މަތިން މާކުސް ހޯދާ 5 ބައިވެރިންނެވެ. މުޅި މުބާރާތުން އެއްވަނަ ހޯދާ ފަރާތަށް 10،000 ރ ގެ ފައިސާގެ އިނާމެއް ހުށަހަޅާފައިވާއިރު، ދެ ވަނައަށް 7000ރ އަދި ތިންވަނައަށް 5000ރ ގެ ފައިސާގެ އިނާމުވަނީ ހުށަހަޅާފައެވެ.