ކައުންސިލް ކަޕް ވޮލީ މުބާރާތުގެ ޗެމްޕިއަންކަން ކުޅިމަގު ހޯދައިފި

އިހަވަންދޫ ކައުންސިލުން އިންތިޒާމްކޮށްގެން ބޭއްވި ކައުންސިލް ކަޕް ވޮލީ މުބާރާތް 2024، ގެ ޗެމްޕިއަންކަން ކުޅިމަގު ހޯދައިފިއެވެ. މިމުބާރާތުގެ ޗެމްޕިއަންކަން ކުޅިމަގު ހޯދީ މިރޭ ކުޅުނު މިމުބާރާތުގެ ފައިނަލް މެޗްގައި ކްލަބް އިރަމާ 3-2 އިން ބަލިކޮށްގެންނެވެ. މިރޭ ކުޅުނު ފައިނަލް މެޗްގައި ދެޓީމްގެ ފަރާތުންވެސް ފެނިގެން ދިޔައީ ވަރަށް ވާދަވެރި ކުޅުމެކެވެ. ފައިނަލް މެޗްގެ މޮޅު ކުޅުންތެރިޔާއަށް ހޮވުނީ ކުޅިމަގު ޓީމްގެ ޖާޒީ ނަންބަރު 5 އިބްރާހިމް ފަޒީލްއެވެ. މިމުބާރާތުގެ ފެއަރޕްލޭ ޓީމަށް ހޮވުނީ ޔުނައިޓެޑް ޔޫތްއެވެ. މިމުބާރާތުގެ ރަނަރަޕް ޓީމް، ކްލަބް އިރަމާއަށް 5000ރ ގެ ފައިސާގެ އިނާމު ދީފައިވާއިރު ޗެމްޕިއަން ޓީމް ކުޅިމަގަށްވަނީ 15000ރ ގެ ފައިސާގެ އިނާމު ދީފައެވެ.

---

މުބާރާތުގެ މުހިއްމު ވަނަތައް: މުބާރާތުގެ 19 އަހަރުން ދަށުގެ އެންމެ މޮޅު ކުޅުންތެރިޔާ: ޖަންގަލް ޓީމްގެ ޖާޒީ ނަންބަރު 7 މާލިކު މުބާރާތުގެ އެންމެ މޮޅު 6 ކުޅުންތެރިން: - ކުޅިމަގު ޓީމްގެ ޖާޒީ ނަންބަރު 5 އިބްރާހިމް ފަޒީލް - އިރަމާގެ ޖާޒީ ނަންބަރު 12 އަލީ ހުޒާމް - ކުޅިމަގު ޓީމްގެ ޖާޒީ ނަންބަރު 10 ހުސައިން ފަޞީހް - ކުޅިމަގު ޓީމްގެ ޖާޒީ ނަންބަރު 3 އަލީ ނިމާދު _ ކުޅިމަގު ޓީމްގެ ޖާޒީ ނަންބަރު 19 އަލީ ރަޝީދު - ކުޅިމަގު ޓީމްގެ ޖާޒީ ނަންބަރު 11 އަހްމަދު އާދިލް އެންމެ މޮޅު ލިބަރޯ: އިރަމަޓީމްގެ ޖާޒީ ނަންބަރު 3 ހުސައިން އަސްލަމް އެންމެ މޮޅު ކޯޗް: ކުޅިމަގު ޓީމްގެ ކޯޗް މުހައްމަދު ސޮބާހް