ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން މުޅިން އަލަށް ތައާރަފްކޮށްގެން ބާއްވާ "އެފްއޭއެމް ފުޓްސަލް ޗެމްޕިއަންޝިޕް" ގެ ޒޯން ބުރުގައި އިހަވަންދޫ، ޖޭ ސްޕޯރޓްސް އެކަޑަމީއިން ކުޅޭ ފުރަތަމަ މެޗަށް މިއަދު ނުކުންނާނެއެވެ.
ހދ. ނައިވާދޫގައި ކުރިޔަށްދާ މިމުބާރާތުގެ ޖޭ ސްޕޯރޓްސް އެކަޑަމީއިން ކުޅޭ ފުރަތަމަ މެޗްގައި މިއަދު ނުކުންނާނީ ހދ. ޗެމްޕިއަން ހަނިމާދޫއާ ދެކޮޅަށެވެ. މިއަދު ހަވީރު 16:45 ގައި މިމެޗް އޮންނައިރު، ނޯތް ޒޯން 1 ގައި 5 ޓީމެއް ވާދަކުރެއެވެ. އެއީ ހއ އަތޮޅުން، އިހަވަންދޫ އަދި ފިއްލަދޫ، ހދ އަތޮޅުން ނައިވާދޫ އަދި ހަނިމާދޫގެ އިތުރުން ށ އަތޮޅުން ކަނޑިތީމެވެ.
ޒޯން ބުރުގައި އިހަވަންދޫ ޖޭ ސްޕޯރޓްސް އެކަޑަމީ އިން ކުޅޭ ދެ ވަނަ މެޗްގައި އޮކްޓޯބަރ އެއްވަނަ ދުވަހު ހަވީރު ނައިވާދޫއާ ދެކޮޅަށް ނުކުންނައިރު، އަންނަމަހު 3 ވަނަ ދުވަހުގެ ހަވީރު ފިއްލަދޫއާ ބާއްދަލުކުރާނެއެވެ. ޒޯން ބުރުގެ ފަހު މެޗްގައި އިހަވަންދޫ ޖޭ ސްޕޯރޓްސް އެކަޑަމީ އަންނަ މަހު 5 ވަނަ ދުވަހު ނުކުންނާނީ ކަނޑިތީމާއި ދެކޮޅަށެވެ.
ޒޯން ބުރުގެ ފައިނަލަށް ދަތުރުކުރާނީ މި 5 ޓީމްގެ މެދުގައި ކުޅޭ ލީގުބުރުން އެންމެ ގިނަ ޕޮއިންޓް ހޯދާ ދެ ޓީމެވެ.
ކޮމެންޓް
އަދި ކޮމެންޓެއް ނެތް