ޖޭ ސްޕޯޓްސް އެކަޑަމީ ގެ ހަރަކާތްތައް އަލުން ފަށަނީ!

ޖޭސްޕޯޓްސްގެ ފުޓުބޯޅަ އަދި ހޭންޑް ބޯޅަ އެކަޑަމީއަށް ކުދިން ވެއްދުމަށް ފުރު ސަތު ހުޅުވާލައިފިއެވެ. މިގޮތުން ފުޓުބޯޅައިން، 3 އުމުރު ފުރާއިން ޖުމްލަ 60 ޖާގަ އަދި ހޭންޑް ބޯޅައިން، 3 އުމުރު ފުރާއަކުން ޖުމްލަ 60 ޖާގައަކަށް ކުދިން ވެއްދުމަށް ވަނީ ހުޅުވާ ލާފައެވެ. ފުޓުބޯޅައިން ހުޅުވާލާފައިވާ އުމުރު ފުރާތަކަކީ 6 އަހަރާއި 8 އަހަރާއި ދެމެދު 8 އަހަރާއި 12 އަހަރާއި ދެމެދު 12 އަހަރާއި 16 އަހަރާއި ދެމެދު ހޭންޑް ބޯޅައިން އަންހެން ކުދިންނަށް ޚާއްސަ ކޮށްގެން 8 އަހަރާއި 12 އަހަރާއި ދެމެދު 12 އަހަރާއި 16 އަހަރާއި ދެމެދު 16 އަހަރާއި 19 އަހަރާއި ދެމެދު ޖޭ ސްޕޯޓްސް އެކަޑަމީއިން މައުލޫމާތު ދޭ ގޮތުގައި އަމާޒަކީ ކޮންމެ 20 ކުއްޖަކަށް ކޯޗެއް ހުރެގެން ކުދިން ތަމްރީން ކުރުމުގެ މަސައްކަތް ކުރިއަށް ގެންދިއުމެވެ. އަދި އެ އެކަޑަމީގެ ފުޓުބޯޅަ ކޯޗުންގެ ގޮތުގައި މަސައްކަތް ކުރައްވާނީ މިހާރުވެސް ކުޑަކުދިންނަށް ބޭއްވޭ މުބާރާތްތަކުގައާއި ބޮޑެތި މުބާރާތްތަކުގައި މަސައްކަތް ކުރައްވާ އިސްމާއިލް ހައްމާޒް ( ހައްމު ކޯޗް ) އާއި، ޖޭސްޕޯޓްސް އެކަޑަމީގެ އެއް މުއައްސިސް އަދި ގިނަޓީމް ތަކެއްގައި ކޯޗެއްގެ ގޮތުގައި މިހާރުވެސް މަސައްކަތް ކުރައްވަމުން ގެންދަވާ އޭއެފްސީ ބީ ލައިސަންސް ކޯޗް ހުސައިން ފަޔާޒް އެވެ. އަދި އެ އެކަޑަމީގެ ހޭންޑް ބޯޅަ ކޯޗުންގެ ގޮތުގައި މަސައްކަތް ކުރައްވާނީ ދާދި ފަހުން ހޭންޑް ބޯލް ބޭސިކް ކޯޗިންގް ކޯސް ފުރިހަމަ ކުރެއްވި ލަޔާން އަހްމަދާއި ، ހުސައިން ފަޔާޒް އެވެ. އަދި މީގެ އިތުރުން އަންހެން ކުދިންނަށް ހޭންޑް ބޯޅަ ސެޝަންތައް ކުރިއަށް ދާއިރު އެ ކޯޗުންނާއި އެކު އިތުރު އަންހެން ބޭފުޅަކު ކޯޗެއްގެ ގޮތުގައި މަސައްކަތް ކުރައްވާނޭ ކަމަށްވެސް އެފަރާތުން މަޢުލޫމާތު ދެއްވައެވެ. ޖޭ ސްޕޯޓްސް އެކަޑަމީން އިތުރަށް މައުލޫމާތު ދެއްވި ގޮތުގައި އެ އެކަޑަމީއަށް ވަނުމަށް ކުދިންގެ ފަރާތުން އެކަށީގެންވާ ތަރުހީބެއް ލިބެމުންދާ ކަމަށާއި މިހާތަނަށް 50 އަށް ވުރެ ގިނަ ކުދިން އެ އެކަޑަމީގައި ރަޖިސްޓްރީ ކޮށްފައިވާ ކަމަށެވެ. އަދި އަމާޒަކީ ވީހާވެސް އަވަހަކަށް އެ އެކަޑަމީގެ ހަރަކާތްތައް ފެށިގެން ދިއުން ކަމުގައި ވެސް އެކަޑަމީގެ ފަރާތުން މައުލޫމާތު ދެއްވައެވެ. ޖޭ ސްޕޯޓްސް އެކަޑަމީއަކީ އިހަވަންދޫގައި ފުޓުބޯޅަ، ހޭންޑްބޯޅަ އަދި ވޮލީ ކުރިއަރުވާ އާލާކުރުމުގެ މަގްސަދުގައި 13 އޮކްޓޯބަރ 2021 ވަނަ ދުވަހު ރެޖިސްޓްރީ ކުރެވުނު އެކަޑަމީއެކެވެ. މި އެކަޑަމީގެ ފަރާތުން މީގެ ކުރިންވެސް ވަނީ ފުޓުބޯޅަ ޓްރެއިނިންގެ ޕްރޮގްރާމް ތަކާއި ފުޓުބޯޅަ އެކަޑަމީގެ ހަރަކާތްތައް ހިންގާފައެވެ.